കോഴിക്കോട്∙ കേരളത്തിൽ ഏറെ ചർച്ച ചെയ്യപ്പെട്ട പന്തീരാങ്കാവ് യുഎപിഎ കേസിന് രണ്ടു വർഷം തികഞ്ഞു. മാസങ്ങൾ നീണ്ട ജയിൽ വാസത്തിനു ശേഷം അലൻ ഷുഹൈബിനും താഹ ഫസലിനും സുപ്രീംകോടതി ജാമ്യം അനുവദിച്ചു. ചായ കുടിക്കാൻ പോയതിനല്ല അവരെ അറസ്റ്റ് ചെയ്തതെന്നു പ്രഖ്യാപിച്ച മുഖ്യമന്ത്രി പിണറായി വിജയനോടുള്ള പ്രതിഷേധ സൂചകമായി ജയിലിൽനിന്ന് ഇറങ്ങിയ ഇരുവരും ഒരുമിച്ചു ചായ കുടിക്കാനിറങ്ങി. കട്ടൻചായയും പരിപ്പുവടയും കഴിച്ച് ഇന്നത്തെ കാലത്തു രാഷ്ട്രീയ പ്രവർത്തനം നടത്താനാകില്ലെന്നു പാർട്ടിയിലെ തല മുതിർന്ന നേതാക്കൾ പ്രഖ്യാപിക്കുമ്പോൾ കട്ടൻചായയും പരിപ്പുവടയും കഴിച്ചും രാഷ്ട്രീയ പ്രവർത്തനം നടത്താമെന്നു പ്രഖ്യാപിക്കുകയാണു അലനും താഹയും. ഇരുവരും മനോരമ ഓൺലൈനിനോട് അനുഭവങ്ങൾ പങ്കുവയ്ക്കുന്നു.
