കേരള പൊലീസിനെ തിരുത്തണമെന്ന് സിപിഎം നേതൃത്വം നൽകുന്ന സംസ്ഥാന സർക്കാരിനോട് പാർട്ടിയുടെ പൊളിറ്റ് ബ്യൂറോ ആവശ്യപ്പെട്ടത് 2016 ഡിസംബറിൽ നാടകപ്രവർത്തകനെതിരെ നിയമവിരുദ്ധ പ്രവർത്തനങ്ങൾ തടയൽ നിയമം (യുഎപിഎ) ചുമത്തിയപ്പോഴായിരുന്നു. പാർട്ടി കരിനിയമം എന്നു വിശേഷിപ്പിച്ച അതേ യുഎപിഎയ്ക്കെതിരെ സംസ്ഥാനത്തെ സിപിഎം ഒന്നാകെ പ്രതിഷേധവുമായി തെരുവിലിറങ്ങിയത് കതിരൂർ മനോജ് വധക്കേസിൽ പ്രതിയായ സിപിഎം നേതാവ് പി.ജയരാജനെതിരെ സിബിഐ യുഎപിഎ ചുമത്തിയപ്പോഴും.
