സംസ്ഥാനത്ത് 17 പേര്‍ക്കുകൂടി ഒമിക്രോണ്‍; ആകെ കേസുകൾ 345

തിരുവനന്തപുരം ∙ സംസ്ഥാനത്ത് 17 പേര്‍ക്ക് കൂടി ഒമിക്രോണ്‍ സ്ഥിരീകരിച്ചതായി മന്ത്രി വീണാ ജോർജ് അറിയിച്ചു. എറണാകുളം 8, പാലക്കാട് 2, തിരുവനന്തപുരം, പത്തനംതിട്ട, ആലപ്പുഴ, തൃശൂര്‍, മലപ്പുറം, കോഴിക്കോട്, വയനാട് 1 വീതം എന്നിങ്ങനെയാണ് രോഗബാധ. 13 പേര്‍ ലോ റിസ്‌ക് രാജ്യങ്ങളില്‍നിന്നും 4 പേര്‍ ഹൈ റിസ്‌ക് രാജ്യങ്ങളില്‍നിന്നും വന്നതാണ്.

എറണാകുളം– യുഎഇ 3, ഖത്തര്‍ 2, പോളണ്ട് 2, യുകെ 1, പാലക്കാട്– യുകെ 1, ഖത്തര്‍ 1, തിരുവനന്തപുരം– യുഎഇ 1, പത്തനംതിട്ട– യുഎഇ 1, ആലപ്പുഴ– യുഎസ്എ 1, തൃശൂര്‍– യുഎഇ 1, മലപ്പുറം– യുഎഇ 1, കോഴിക്കോട്– യുഎഇ 1, വയനാട്– യുഎഇ 1 എന്നിങ്ങനെ വന്നവരാണ്. ഇതോടെ സംസ്ഥാനത്ത് ആകെ 345 പേര്‍ക്കാണ് ഒമിക്രോണ്‍ സ്ഥിരീകരിച്ചത്.

ലോ റിസ്‌ക് രാജ്യങ്ങളില്‍നിന്നും 231 പേരും ഹൈ റിസ്‌ക് രാജ്യങ്ങളില്‍നിന്നും ആകെ 78 പേരും എത്തി. 34 പേര്‍ക്കാണ് ആകെ സമ്പര്‍ക്കത്തിലൂടെ രോഗം ബാധിച്ചത്. മറ്റ് സംസ്ഥാനങ്ങളില്‍ നിന്നും വന്ന 2 പേരാണുള്ളത്.

English Summary: 17 more omicron cases reported in Kerala