കോഴിക്കോട്∙ ടി.പി.ചന്ദ്രശേഖരൻ വധക്കേസിലെ പ്രതി കിർമാണി മനോജ് ലഹരി പാർട്ടിക്കിടെ പൊലീസിന്റെ പിടിയിലായത് കഴിഞ്ഞ ദിവസമാണ്. ടി.പി.കേസ് പ്രതികൾ പരോളിലിറങ്ങി വിവിധ കുറ്റകൃത്യങ്ങളിൽ ഏർപ്പെട്ട സംഭവങ്ങൾ മുൻപും ഉണ്ടായിരുന്നു. സ്വർണക്കടത്തുമായി ബന്ധപ്പെട്ടു കൂത്തുപറമ്പ് സ്വദേശിയെ തട്ടിക്കൊണ്ടുപോയി ഭീഷണിപ്പെടുത്തിയതിനു കൊടി സുനിക്കെതിരെ നേരത്തേ കേസെടുത്തതും രാമനാട്ടുകരയിൽ 5 പേർ മരിച്ച വാഹനാപകടവുമായി ബന്ധപ്പെട്ട സ്വർണക്കടത്ത് കേസിൽ മുഹമ്മദ് ഷാഫിയെ പൊലീസ് ചോദ്യം ചെയ്തതും ഉദാഹരണങ്ങൾ.
