പി.ജെ.ജോസഫിന് കേരള രാഷ്ട്രീയത്തിൽ മുഖവുരയുടെ ആവശ്യമില്ല. കെ.എം.മാണിയുടെയും ആർ.ബാലകൃഷ്ണപിള്ളയുടെയും വേർപാടോടെ കേരള കോൺഗ്രസ് പ്രസ്ഥാനത്തിന് ഇന്നു കാരണവർ തന്നെയാണ് പി.ജെ.ജോസഫ്. ജോസ് കെ.മാണിയുമായുള്ള ഭിന്നതയെ തുടർന്ന് കേരള കോൺഗ്രസിൽ വീണ്ടും ഉണ്ടായ പിളർപ്പ് എന്നാൽ ജോസഫിനും അദ്ദേഹത്തിന്റെ കേരള കോൺഗ്രസിനും നഷ്ടങ്ങളാണ് വരുത്തിവച്ചത്. രണ്ടു നിയമസഭാ സീറ്റുമായി അദ്ദേഹത്തിന് പ്രതിപക്ഷത്തു തുടരേണ്ടി വന്നു.
