മെട്രോ സ്റ്റേഷനിൽ നടക്കവേ ട്രാക്കിലേക്ക് വീണു; രക്ഷപ്പെടുത്തി സുരക്ഷാ ജീവനക്കാർ

കൊച്ചി ∙ കലൂർ സ്റ്റേഡിയം മെട്രോ സ്റ്റേഷനിൽ അപകടം. പ്ലാറ്റ്ഫോമിൽ നടന്നു പോകുമ്പോൾ അപ്രതീക്ഷിതമായി ട്രാക്കിലേക്കു വീണ യാത്രക്കാരനെ സുരക്ഷാ ജീവനക്കാർ രക്ഷിച്ചു. ആൾ ട്രാക്കിലേക്കു വീണ ഉടൻ പ്ലാറ്റ്ഫോം സുരക്ഷാ ജീവനക്കാരൻ പ്രേംജി അടിയന്തര ട്രിപ്പിങ് സംവിധാനം പ്രവർത്തിപ്പിച്ചത് ആളപായം ഒഴിവാക്കി.

ഇതോടെ മറ്റൊരു ജീവനക്കാരൻ റൗഷാൻ കുമാർ യാത്രക്കാരനെ പ്ലാറ്റ്ഫോമിൽനിന്നു പിടിച്ചു കയറ്റുകയായിരുന്നു. ട്രെയിൻ സമയമല്ലാതിരുന്നതിനാൽ ഗതാഗത തടസ്സമുണ്ടായില്ല. 

English Summary : Security officers rescued man who falls on track in Kaloor metro station