വിനയ് മോഹൻ ക്വാത്ര ഇന്ത്യയുടെ പുതിയ വിദേശകാര്യ സെക്രട്ടറിയാകും

ന്യൂഡൽഹി ∙ വിനയ് മോഹൻ ക്വാത്ര ഇന്ത്യയുടെ പുതിയ വിദേശകാര്യ സെക്രട്ടറിയാകും. നിലവിലെ വിദേശകാര്യ സെക്രട്ടറി ഹർഷ വർധൻ ശൃംഗ്ലയുടെ കാലാവധി ഈ മാസം 30ന് അവസാനിക്കുന്ന സാഹചര്യത്തിലാണ് വിനയ് മോഹനെ നിയമിച്ചത്. 1992 ബാച്ച് ഐഎഫ്എസ് ഉദ്യോഗസ്ഥനായ വിനയ് മോഹൻ, നിലവിൽ നേപ്പാളിലെ ഇന്ത്യൻ അംബാസഡറാണ്.

വിദേശകാര്യ സർവീസിൽ 32 വർഷത്തെ പരിചയസമ്പത്തുണ്ട്. 2015 മുതൽ 2017 വരെ പ്രധാനമന്ത്രി നരേന്ദ്ര മോദിയുടെ ഓഫിസിൽ ജോയിന്റ് സെക്രട്ടറിയായിരുന്നു. പിന്നീട് ഫ്രാ‍ൻസിലെ ഇന്ത്യൻ അംബാസഡറായി പാരിസിലേക്കു പോയി.

English Summary: Vinay Mohan Kwatra, India’s ambassador to Nepal, to take over from Shringla as Foreign Secretary