യുഎസിനെ മാത്രമല്ല, വിദേശകാര്യ വിഷയങ്ങളിൽ തൽപരരായ എല്ലാവരെയും ഞെട്ടിക്കുന്ന പ്രസ്താവനകളാണ് കഴിഞ്ഞ ദിവസം അമേരിക്കയുമായി നടന്ന ഉന്നതതല യോഗത്തിനു ശേഷം വിദേശകാര്യമന്ത്രി എസ്.ജയശങ്കർ നടത്തിയത്. അമേരിക്ക ഉന്നയിച്ച വിമർശനങ്ങളോട് അനുനയത്തിലുള്ള ഒഴുക്കൻ മറുപടിയല്ല, അതിരൂക്ഷമായ കടന്നാക്രമണം തന്നെയാണു ജയശങ്കർ നടത്തിയത്. പറഞ്ഞത് സ്വതന്ത്ര നിലപാടെന്നു കരുതാമെങ്കിലും പ്രധാനമന്ത്രി നരേന്ദ്രമോദിയുടെ മനസ്സറിഞ്ഞു തന്നെയാകുമെന്ന വിലയിരുത്തലുകളുണ്ട്.
