ചെന്നൈ∙ കേരളത്തിലെയും തമിഴ്നാട്ടിലെയും ഭരണകൂടങ്ങളെ അസുരൻമാരെന്നാണു കഴിഞ്ഞ ദിവസം കേരള ബിജെപി അധ്യക്ഷൻ കെ.സുരേന്ദ്രൻ അടക്കം പങ്കെടുത്ത പരിപാടിയിൽ തമിഴ്നാട് ബിജെപി അധ്യക്ഷൻ കെ.അണ്ണാമലൈ വിശേഷിപ്പിച്ചത്. കന്യാകുമാരി ജില്ലയിലെ കാളിമലൈ പൊങ്കൽ പരിപാടിയിൽ വിശിഷ്ടാതിഥിയായിരുന്നു അണ്ണാമലൈ. സമയമാകുമ്പോൾ കേരളത്തിലെയും തമിഴ്നാട്ടിലെയും അസുരൻമാരുടെ ഭരണം തകിടം മറിഞ്ഞ് ഇല്ലാതാവുമെന്നുമാണു യോഗത്തിൽ അദ്ദേഹം പറഞ്ഞത്.
