ഇന്ത്യയുടെ തിരഞ്ഞെടുപ്പു ചരിത്രത്തിൽ മായ്ച്ചുകളയാൻ പറ്റാത്തവിധം പതിഞ്ഞ ചാണക്യനാമമാണ് പികെ എന്ന ചുരുക്കപ്പേരിൽ അറിയപ്പെടുന്ന പ്രശാന്ത് കിഷോർ. ജനാധിപത്യത്തിന്റെ തിയറ്ററിൽ തുടരൻ ബ്ലോക്ബസ്റ്റർ ഹിറ്റുകളൊരുക്കിയ സംവിധായകൻ, വിവിധ പാർട്ടികൾക്കൊപ്പം ചേർന്ന് അവരെ വിജയസോപാനത്തിലേക്ക് ആനയിക്കുന്ന പ്രഫഷനൽ തിരഞ്ഞെടുപ്പ് തന്ത്രജ്ഞൻ, ഏതു പാർട്ടിയും കൊതിക്കുന്ന, ഏതു പാർട്ടിയിലും പ്രത്യക്ഷപ്പെടാവുന്ന പൊന്നുംവിലയുള്ള ബുദ്ധികേന്ദ്രം.
