ഉപതിരഞ്ഞെടുപ്പ്: സിൽവർലൈൻ കല്ലിടലില് നിന്ന് പിന്മാറേണ്ടെന്ന് സിപിഎം
Mail This Article
തിരുവനന്തപുരം∙ തൃക്കാക്കര ഉപതിരഞ്ഞെടുപ്പ് പ്രഖ്യാപിച്ചെങ്കിലും സില്വര്ലൈന് കല്ലിടല് തുടരണമെന്ന് സിപിഎം. കല്ലിടല് നിര്ത്തിയാല് യുഡിഎഫ് അത് രാഷ്ട്രീയ ആയുധമാക്കും. സില്വര്ലൈന് ഉയര്ത്തിക്കാട്ടാന് കല്ലിടല് അനിവാര്യമാണെന്നും സിപിഎം വിലയിരുത്തി.
അതേസമയം,സില്വര്ലൈന് കേരളത്തിലെ മുഴുവന് ജനങ്ങളെയും ബാധിക്കുന്ന വിഷയമാണെന്നും തിരഞ്ഞെടുപ്പ് പ്രചാരണത്തിലെ മുഖ്യചര്ച്ചാ വിഷയവും അതു തന്നെയായിരിക്കുമെന്നും പ്രതിപക്ഷ നേതാവ് വി.ഡി.സതീശൻ പറഞ്ഞു. യുഡിഎഫിന് ഉജ്ജ്വല വിജയമുണ്ടായില്ലെങ്കില് അത് സില്വര്ലൈന് നടപ്പാക്കാനുള്ള ജനങ്ങളുടെ സമ്മതമായി വ്യാഖ്യാനിക്കപ്പെടാം. അതിനാല് കെ റെയില് ഈ തിരഞ്ഞെടുപ്പിലെ രാഷ്ട്രീയ അജണ്ടയായി തന്നെ മുന്നോട്ടു വയ്ക്കും. ഗ്രാമവാസികളെക്കാള് ഗൗരവത്തോടെയാണ് നഗരവാസികള് സില്വര്ലൈനിനെ എതിര്ക്കുന്നതെന്നും പ്രതിപക്ഷ നേതാവ് പറഞ്ഞു.
English Summary: CPM urges not to back down from Silverline project.