ADVERTISEMENT

കീവ്∙ യുക്രെയ്ൻ പ്രസിഡന്റ് വൊളോഡിമിർ സെലെന്‍സ്‌കിയുടെ ജാക്കറ്റ് 85 ലക്ഷം രൂപയ്ക്ക് ലേലത്തില്‍ വിറ്റു. സെലെൻസ്കിയുടെ പ്രശസ്തമായ കാക്കി നിറത്തിലുള്ള ജാക്കറ്റാണ് ലേലത്തിൽ വിറ്റത്. റഷ്യന്‍ അധിനിവേശ പ്രദേശങ്ങളില്‍നിന്ന് ആളുകളെ ഒഴിപ്പിക്കുന്നതിനുള്ള ധനസമാഹരണത്തിനാണ് ലേലം സംഘടിപ്പിച്ചത്. ലണ്ടനിലെ യുക്രെയ്ൻ എംബസിയിലാണ് ലേലം നടന്നത്. 47 ലക്ഷം രൂപയാണ് അടിസ്ഥാന വിലയായി നിശ്ചയിച്ചിരുന്നത്.

ലേലത്തിനു മുന്നോടിയായി യുക്രെയ്‌ന്‍ ജനങ്ങൾ ദുരിതത്തിലാണെന്നും കൂടുതല്‍ പണം ജാക്കറ്റിനായി ചെലവഴിക്കണമെന്നും ബ്രിട്ടിഷ് പ്രധാനമന്ത്രി ബോറിസ് ജോണ്‍സണ്‍ ആവശ്യപ്പെട്ടിരുന്നു. അതേസമയം, യുക്രെയ്ൻ തലസ്ഥാനമായ കീവ് ഉൾപ്പെടെ പ്രധാന നഗരങ്ങളിലെല്ലാം റഷ്യ ആക്രമണം ശക്തമാക്കി. യുക്രെയ്നിലെ നാനൂറോളം ആശുപത്രികൾ റഷ്യൻ ആക്രമണത്തിൽ തകർന്നതായി സെലൻസ്കി അറിയിച്ചു.

English Summary: Ukrainian president Volodymyr Zelenskyy's khaki fleece jacket auctioned for over Rs 85.5 lakh in London

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com