ഷഹനയുമായി തര്‍ക്കിച്ചിരുന്നെന്ന് ഭര്‍ത്താവ്; പണത്തെച്ചൊല്ലിയും കലഹം

കോഴിക്കോട്∙ പരസ്യചിത്ര മോഡലും നടിയുമായ കാസര്‍കോട് സ്വദേശിനി ഷഹന (20) മരിച്ച സംഭവത്തിൽ ഭര്‍ത്താവ് സജ്ജാദ് പൊലീസിനു നൽകിയ മൊഴി പുറത്ത്. പണത്തെച്ചൊല്ലി ഷഹനയുമായി നിരന്തരം തര്‍ക്കിച്ചിരുന്നതായി സജ്ജാദ് പൊലീസിനോട് പറഞ്ഞു.

അഭിനയിച്ച ശേഷം ഷഹനയ്ക്ക് ലഭിക്കുന്ന പണം ഏതു ബാങ്കിൽ നിക്ഷേപിക്കണം എന്നതിനെ ചൊല്ലി ദിവസവും തർക്കമുണ്ടായിരുന്നു. തന്റെ ലഹരി ഉപയോഗത്തിൽ ഷഹനയ്ക്ക് എതിർപ്പുണ്ടായിരുന്നുവെന്നും സജ്ജാദ് െപാലീസിനോട് പറഞ്ഞു. സജ്ജാദും ഷഹനയും താമസിച്ചിരുന്ന വീട്ടിൽ നിന്ന് ലഹരി വസ്തുക്കൾ കണ്ടെത്തിയിരുന്നു.

ഷഹനയുടെ ശരീരത്തിൽ മർദനമേറ്റ പാടുകളില്ലെന്നാണ് പ്രാഥമിക നിഗമനം. അസ്വാഭാവിക മരണത്തിനു കേസെടുത്ത പൊലീസ്, സജ്ജാദിനെ കസ്റ്റഡിയിൽ എടുത്തിരുന്നു. ഷഹനയെ കൊലപ്പെടുത്തിയതാണെന്നാണ് ഷഹനയുടെ മാതാപിതാക്കളുടെ ആരോപണം. വെള്ളിയാഴ്ച പുലര്‍ച്ചെയാണ് കോഴിക്കോട് പറമ്പിൽ ബസാറിലെ വാടകവീട്ടിൽ ഷഹനയെ തൂങ്ങി മരിച്ച നിലയിൽ കണ്ടെത്തിയത്. ജനലഴിയിൽ തൂങ്ങിയ നിലയിലായിരുന്നു മൃതദേഹം.

English Summary: Probe on Model shahana death