'മുന്നണികള്‍ ട്വന്റി20 പിന്തുണ തേടി; കേജ്‌രിവാളുമായി പ്രധാന വിഷയങ്ങളിൽ ചർച്ച'
Mail This Article
×
കൊച്ചി∙ തൃക്കാക്കര ഉപതിരഞ്ഞെടുപ്പിൽ ട്വന്റി20യുടെ പിന്തുണ മുന്നണികൾ തേടിയെന്ന് ചീഫ് കോർഡിനേറ്റർ സാബു എം. ജേക്കബ്. ‘പിന്തുണ നേടിയ നേതാക്കളുടെ പേര് വെളിപ്പെടുത്താൻ ആഗ്രഹിക്കുന്നില്ല. വോട്ട് ആർക്ക് ചെയ്യണമെന്നതിൽ കൃത്യമായ നിർദേശം നൽകും. അതിനാൽ ആശയക്കുഴപ്പത്തിന് ഇടവരില്ല.’- സാബു എം. ജേക്കബ് പറഞ്ഞു.
‘അരവിന്ദ് കേജ്‌രിവാളുമായി ചില പ്രധാന വിഷയങ്ങൾ ചർച്ച ചെയ്യാനുണ്ട്. ആം ആദ്‌മിയുമായി സഖ്യമെന്നത് അജൻഡയിൽ വന്നിട്ടില്ല. തൃക്കാക്കര സംബന്ധിച്ച് ആം ആദ്‌മിയുമായി ചർച്ച നടത്തും. ട്വന്റി20യുടെ നിലപാട് മുന്നണികളുടെ വിജയപരാജയങ്ങളെ സ്വാധീനിക്കും. എല്ലാ മുന്നണികളും സ്‌ഥാനാർഥികളും ഞങ്ങളെ ഇതിനകം ബന്ധപ്പെട്ടിട്ടുണ്ട്.’- സാബു പറഞ്ഞു.
English Summary: Kerala parties approach Twenty20 for Thrikkakara bypolls support
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
