ആറ്റിങ്ങൽ ബസ് സ്റ്റാൻഡിനു സമീപമുള്ള ജൂസ് കടയിൽ കഴിഞ്ഞ ദിവസങ്ങളിൽ ഒരാൾ സ്ഥിരമായി ഉണ്ടായിരുന്നു. വെളുത്ത ഷർട്ടും മുണ്ടും വേഷം. നരച്ച താടിയും മുടിയുമുള്ള ശാന്തപ്രകൃതനായ വയോധികൻ. പലവിധ പഴച്ചാറുകൾ വിൽക്കുന്ന ഇയാളെ നഗരത്തിൽ വന്നുപോകുന്നവരാരും പെട്ടെന്നു തിരിച്ചറിഞ്ഞിരിക്കില്ല. ജീവപര്യന്തം ശിക്ഷയനുഭവിക്കവെ ജയിലി‍ൽനിന്നു പരോളിനിറങ്ങിയ പ്രതിയായിരുന്നു അയാൾ. കേരളം ഇന്നും ഞെട്ടിത്തരിക്കുന്ന കല്ലുവാതുക്കൽ മദ്യദുരന്തക്കേസിലെ പ്രതി; ചന്ദ്രൻ എന്ന മദ്യരാജാവ് മണിച്ചൻ!
