‘ബിജെപിയെ ശക്തിപ്പെടുത്തണം’; രാജിവച്ച് ത്രിപുര മുഖ്യമന്ത്രി ബിപ്ലവ് ദേബ്
Mail This Article
അഗർത്തല ∙ ത്രിപുര മുഖ്യമന്ത്രി ബിപ്ലവ് കുമാർ ദേബ് രാജിവച്ചു. നിയമസഭ തിരഞ്ഞെടുപ്പ് നടക്കാൻ ഒരു വർഷം മാത്രം ബാക്കിനിൽക്കെയാണ് അപ്രതീക്ഷിത രാജി. പുതിയ മുഖ്യമന്ത്രിയെ നിർദേശിക്കാൻ ബിജെപി കേന്ദ്ര സംഘം അഗർത്തലയിലെത്തി. ഉപമുഖ്യമന്ത്രി ജിഷ്ണു ദേബ് വർമയാകും പുതിയ മുഖ്യമന്ത്രിയെന്ന് അഭ്യൂഹങ്ങളുണ്ട്.
ഗവർണറുമായി രാജ്ഭവനിൽ നടത്തിയ ചർച്ചയ്ക്കു ശേഷമാണ് ബിപ്ലവ് രാജി പ്രഖ്യാപിച്ചത്. ബിജെപിയുടെ സംസ്ഥാന ഘടകത്തിൽ പടലപിണക്കം രൂക്ഷമാണെന്ന റിപ്പോർട്ടുകൾ പുറത്തുവരുന്നതിനിടെയാണ് രാജി.
പാർട്ടിയെ ശക്തിപ്പെടുത്താൻ ബിജെപിക്കു തന്നെ ആവശ്യമാണെന്നും അതിനാലാണ് രാജിയെന്നുമാണ് ഗവർണറുമായുള്ള കൂടിക്കാഴ്ചയ്ക്കു ശേഷം ബിപ്ലവ് അറിയിച്ചത്. വ്യാഴാഴ്ച ഡൽഹിയിലെത്തി കേന്ദ്ര ആഭ്യന്തരമന്ത്രി അമിത് ഷായുമായും ബിജെപി ദേശീയ അധ്യക്ഷൻ ജി.പി.നഡ്ഡയുമായും ബിപ്ലവ് കൂടിക്കാഴ്ച നടത്തിയിരുന്നു.
English Summary : Tripura Chief Minister Biplab Deb Resigns, A Year Ahead Of Polls