ശിവഗിരിയിലെത്തി ഉമ തോമസ്: പിന്തുണ പരസ്യമാക്കി മഠം

വർക്കല∙ തൃക്കാക്കര യുഡിഎഫ് സ്ഥാനാർഥി ഉമ തോമസിനെ പരസ്യമായി പിന്തുണച്ച് ശിവഗിരി ശ്രീനാരായണ ധർമസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ. തിരഞ്ഞെടുപ്പിൽ സത്യവും നീതിയുമുള്ളവർ ജയിച്ചു വരണമെന്നും പി.ടി. തോമസിന്റെ വഴിയിലൂടെയാണ് ഉമയുടെ യാത്രയെന്നും സ്വാമി സച്ചിദാനന്ദ പറഞ്ഞു. 

ഇന്നു രാവിലെയായിരുന്നു ഉമയുടെ ശിവഗിരി സന്ദർശനം. ശിവഗിരിയിലെത്തിയ ഉമ സ്വാമി സച്ചിദാനന്ദയുമായി കൂടിക്കാഴ്ച നടത്തി. അതിനുശേഷം ശ്രീനാരായണ ഗുരു സമാധിയിൽ ഉമ പുഷ്പാർച്ചന നടത്തി. 

English Summary : Uma Thomas visits Sivagiri pilgrimage