കൊച്ചിയിൽ വൻ ലഹരിവേട്ട; 1,500 കോടി രൂപയുടെ ഹെറോയിൻ പിടികൂടി

കൊച്ചി∙ അഫ്ഗാനിസ്ഥാനിൽ നിന്നു കടത്തിക്കൊണ്ടു വന്ന, 1500 കോടി രൂപ വിലവരുന്ന 220 കിലോഗ്രാം ഹെറോയിനുമായി 2 ബോട്ടുകൾ ഡയറക്ടറേറ്റ് ഓഫ് റവന്യു ഇന്റലിജൻസ്, കോസ്റ്റ്ഗാർഡിന്റെ സഹായത്തോടെ പിടികൂടി. 2 ബോട്ടുകളിലുണ്ടായിരുന്ന 20 തൊഴിലാളികളെയും ഡിആർഐ അറസ്റ്റ് ചെയ്തു. കന്യാകുമാരി തീരത്തു നിന്നുള്ളതാണു 2 ബോട്ടുകളും. ഡിആർഐയുടെ കസ്റ്റഡിയിലുണ്ട്.

അഗത്തി തീരത്തു വച്ച് 2 ദിവസം മുൻപു കസ്റ്റഡിയിലെടുത്ത ബോട്ടുകൾ ഇന്നു പുലർച്ചെ മട്ടാഞ്ചേരിയിലെത്തിച്ചിരിക്കുകയാണ്. ഡിആർഐക്കു ലഭിച്ച രഹസ്യ വിവരത്തെ തുടർന്നാണ് അഗത്തിക്കു സമീപത്തു വച്ച് ബോട്ടുകൾ പിടികൂടിയത്. ബോട്ടിലുണ്ടായിരുന്നവരെ കൊച്ചിയിലെത്തിച്ച് ചോദ്യം ചെയ്തു വരികയാണ്.

English Summary: Heroin seized in Kochi