2012ലെ ജയ്പൂർ സാഹിത്യോത്സവത്തിൽ പങ്കെടുക്കാനെത്തിയ യുഎസിലെ പ്രശസ്ത ടിവി അവതാരക ഓപ്ര വിൻഫ്രിയോടു മാധ്യമങ്ങൾ ചോദിച്ചു, ഇന്ത്യയെക്കുറിച്ച് എന്താണ് അഭിപ്രായം? ‘അമ്മയെ, അമ്മൂമ്മയെ, അച്ഛനെ, അപ്പൂപ്പനെ എല്ലാം സംരക്ഷിക്കുന്ന കുടുംബങ്ങൾ വളരെ മനോഹരം. എന്നാൽ, കുടുംബത്തെ ഇത്രയേറെ സ്നേഹിക്കുന്ന ഈ നാട് എന്തുകൊണ്ടാണു വിധവകളെ ഇങ്ങനെ തള്ളിക്കളയുന്നത്? അവരെ മനുഷ്യരായി പരിഗണിക്കാത്തത്?’ – ഇതായിരുന്നു ഓപ്രയുടെ മറുപടിയും മറുചോദ്യവും.
