‘കൊച്ചിക്ക് പഴയ കൊച്ചിയായിരിക്കാനാ വിധി’; തിരിച്ചടിയില്‍ എം.എം.മണി
Mail This Article
×
കൊച്ചി∙ തൃക്കാക്കര ഉപതിരഞ്ഞെടുപ്പിൽ യുഡിഎഫ് വിജയം ഉറപ്പിച്ചതോടെ നിരാശ മറച്ച് വയ്ക്കാതെ സിപിഎം നേതാവ് എം.എം. മണി. കൊച്ചിക്ക് പഴയ കൊച്ചിയായിരിക്കാനാ (തിരഞ്ഞെടുപ്പ്) വിധി എന്നായിരുന്നു എം.എം. മണിയുടെ പ്രതികരണം. പ്രചാരണത്തിന് വെണ്ണല കേന്ദ്രീകരിച്ച് ഊർജിതമായ പ്രവർത്തനമാണ് എം.എം മണിയുടെ നേതൃത്വത്തിൽ എൽഡിഎഫ് പ്രവർത്തകർ നടത്തിയത്.
മുഖ്യമന്ത്രിയും മന്ത്രിമാരും സംസ്ഥാന ഭരണസംവിധാനവും എല്ലാമായി കാടിളക്കി പ്രചരണം നടത്തിയിട്ടും തൃക്കാക്കര ഉമ തോമസിനൊപ്പം നിന്നു. നടിയെ ആക്രമിച്ച കേസിൽ എം.എം മണി നടത്തിയ പ്രസ്താവനയും പ്രതിപക്ഷം തൃക്കാക്കരയിൽ ആയുധമാക്കിയിരുന്നു. ഇതു കുറേ നാളായി നിലനിൽക്കുന്ന നാണം കെട്ട കേസാണെന്നു ചാനൽ അഭിമുഖത്തിൽ മണി പറഞ്ഞതാണ് വിവാദമായത്.
English Summary: Thrikkakara bypoll results: FB post of MM Mani
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
