3 എംഎൽഎമാർ കൂടി ബിജെപിയിൽ; മധ്യപ്രദേശിൽ കൂടുമാറിയത് 31 പേർ
Mail This Article
×
ഭോപ്പാൽ ∙ മധ്യപ്രദേശിൽ ബിജെപിയിലേക്കു നേതാക്കളുടെ ഒഴുക്ക് തുടരുന്നു. വിവിധ പാർട്ടികളിലേതടക്കം 3 എംഎൽഎമാരാണു ബിജെപിയിൽ ചേർന്നത്. പുതുതായി അംഗത്വമെടുത്ത സഞ്ജീവ് സിങ് ഖുഷ്‍‌‌വാഹ (ബിഎസ്‌പി), ബിജാവർ രാജേഷ് കുമാർ ശുക്ല (എസ്‌പി), വിക്രം സിങ് റാണ (സ്വതന്ത്രൻ) എന്നിവരെ മുഖ്യമന്ത്രി ശിവരാജ് സിങ് ചൗഹാനാണു ബിജെപിയിലേക്കു സ്വീകരിച്ചത്.
2020 മുതൽ ഇതുവരെയായി 31 എംഎൽഎമാരാണു ബിജെപിയിലേക്കു കൂടുമാറിയെത്തിയത്. 22 കോൺഗ്രസ് ജനപ്രതിനിധികൾ രാജിവച്ചതോടെ വീണ കമൽനാഥ് സർക്കാരിനു പിന്നാലെയാണു ബിജെപി അധികാരത്തിലെത്തിയത്. ഇതോടെ ബിജെപിയിലേക്കു നേതാക്കളുടെ വരവും തുടങ്ങി. 230 അംഗ നിയമസഭയിൽ ബിജെപിയുടെ അംഗബലം 128 ആയി ഉയർന്നു.
English Summary: 3 lawmakers join BJP in Madhya Pradesh
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
