കോസ്റ്റൽ പൊലീസിനെ 'ബന്ദികളാക്കി' മത്സ്യത്തൊഴിലാളികൾ; ബോട്ട് പിടികൂടി

saubhagya-boat-1
കസ്റ്റഡിയിലെടുത്ത ബോട്ട്.
SHARE

തിരുവനന്തപുരം∙ അനധികൃത വല ഉപയോഗിച്ചുള്ള മത്സ്യബന്ധനം തടയാനെത്തിയ കോസ്റ്റൽ പൊലീസിലെ രണ്ട് ഉദ്യോഗസ്ഥരുമായി കടന്ന മത്സ്യബന്ധന ബോട്ട് കസ്റ്റഡിയിലെടുത്തു. ബോട്ടിലെ മത്സ്യത്തൊഴിലാളികള്‍ക്ക് എതിരെ കേസെടുക്കുന്ന കാര്യം ആലോചിക്കുകയാണെന്ന് പൊലീസ് അറിയിച്ചു.

കോസ്റ്റൽ പൊലീസിലെ എഎസ്ഐ അജിത്, സിപിഒ വിനോദ് എന്നിവരുമായാണ് മീൻപിടുത്തത്തിന് എത്തിയവർ കടന്നത്. പൊലീസുകാരെ ബന്ദികളാക്കി കൊണ്ടുപോയെന്ന വിവരത്തെത്തുടർന്ന് ബോട്ടുകളിൽ കോസ്റ്റൽ പൊലീസ് തിരച്ചിൽ ആരംഭിച്ചു. അ‍ഞ്ചുതെങ്ങ് ഭാഗത്തേക്കു പോയ സൗഭാഗ്യ എന്ന ബോട്ട് പിന്നീട് കസ്റ്റഡിയില്‍ എടുക്കുകയായിരുന്നു.

തുമ്പ ഭാഗത്ത് പതിനഞ്ചോളം വള്ളങ്ങളിലെത്തിയവർ നിരോധിച്ച കുരുക്കുവല ഉപയോഗിച്ച് മീൻപിടിക്കുന്നതായി അറിയിപ്പ് ലഭിച്ചതിനെ തുടർന്നാണ് കോസ്റ്റൽ പൊലീസ് ബോട്ടിൽ എത്തിയത്. കടലിൽ മീൻപിടിക്കുകയായിരുന്ന ബോട്ടിലേക്ക് ഉദ്യോഗസ്ഥർ കയറി. ബോട്ട് വിഴിഞ്ഞത്തേക്കു വിടാൻ നിർദേശിച്ചപ്പോൾ ഉദ്യോഗസ്ഥരുമായി അഞ്ചുതെങ്ങു ഭാഗത്തേക്കു വേഗത്തിൽ ഓടിച്ചു പോകുകയായിരുന്നു. കോസ്റ്റൽ പൊലീസ് ബോട്ടിൽ പിന്തുടർന്നു.

English Summary :  Fishermen Escaped with Coastal Police

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കുwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
Video

ഇതിലും ചെലവുകുറഞ്ഞ വീടില്ല! | Hometour | Lowcost Home

MORE VIDEOS