ജനങ്ങളുടെ ചായകുടി പോലും അവസാനിപ്പിക്കാനുള്ള നീക്കത്തിലാണു പാക്കിസ്ഥാൻ. സാമ്പത്തിക പ്രതിസന്ധി അത്രമേൽ രൂക്ഷം. ശ്രീലങ്കയിലെപ്പോലെ സാമ്പത്തിക പ്രയാസത്തിന്റെ നടുക്കടലിൽ മുങ്ങുകയാണു പാക്കിസ്ഥാനും. പണപ്പെരുപ്പം ഉച്ചസ്ഥായിയിൽ; എല്ലാ സാധനങ്ങൾക്കും തീ വില. എന്തു ചെയ്യണമെന്നു സർക്കാരിനും ജനങ്ങൾക്കും നിശ്ചയമില്ലാത്തതിനാൽ സ്ഥിതി ഇനിയും രൂക്ഷമായേക്കുമെന്നാണു വിദഗ്ധർ പറയുന്നത്. ചായ കുടിക്കുന്നതു കുറയ്ക്കണമെന്നു പറയുന്നു, വൈദ്യുതിയില്ലാതെ മണിക്കൂറുകളോളം രാജ്യത്തെ ഇരുട്ടിലാക്കുന്നു, ഇന്ധനവില കുതിച്ചു കയറുന്നു... രാഷ്ട്രീയ, സാമ്പത്തിക പ്രതിസന്ധികൾക്കിടെയാണ് ഇന്ധന–ഊർജ ക്ഷാമവും പാക്കിസ്ഥാനെ വലയ്ക്കുന്നത്. നമ്മുടെ അയൽരാജ്യമായ പാക്കിസ്ഥാനിൽ എന്താണു സംഭവിക്കുന്നത്?
