ന്യൂഡൽഹി∙ രാജ്യത്ത് തുടർച്ചയായ രണ്ടാം ദിവസവും 12,000 മുകളിൽ കോവിഡ് കേസുകൾ റിപ്പോർട്ടു ചെയ്തു. കഴിഞ്ഞ 24 മണിക്കൂറിനിടെ 12,847 പേർക്കാണ് രോഗം സ്ഥിരീകരിച്ചത്. ഇതോടെ രാജ്യത്ത് ആകെ രോഗബാധിതരുടെ എണ്ണം 4,32,70,577 ആയി. 2.47 ആണ് പ്രതിദിന പോസിറ്റിവിറ്റി നിരക്ക്. കേന്ദ്ര ആരോഗ്യ മന്ത്രാലയത്തിന്റെ കണക്കു പ്രകാരം  63,063 പേരാണ് നിലവിൽ ചികിത്സയിലുള്ളത്. 

കഴിഞ്ഞ 24 മണിക്കൂറിനിടെ 7,985 പേരാണ് രോഗമുക്തി നേടിയത്. ഇതോടെ ആകെ രോഗം ഭേദമായവരുടെ എണ്ണം 4,26,82,697. പുതിയതായി 14 മരണം കൂടി സ്ഥിരീകരിച്ചതോടെ കോവിഡ് ബാധിച്ച് മരിച്ചവരുടെ ആകെ എണ്ണം 5,24,817 ആയി ഉയർന്നു. 98.65 ശതമാനമാണ് ദേശീയ രോഗമുക്തി നിരക്ക്. 

English Summary :India Records 12,847 New Covid Cases In 24 Hours