രാജ്യത്ത് 12,249 പേർക്ക് കോവിഡ്; ചികിത്സയിലുള്ളവർ 81,687

ന്യൂഡൽഹി ∙ ഇന്ത്യയിൽ കഴിഞ്ഞ 24 മണിക്കൂറിനിടെ 12,249 പേർക്കു കോവിഡ് സ്ഥിരീകരിച്ചു. 13 പേർക്കു ജീവൻ നഷ്ടമായി. വിവിധ സംസ്ഥാനങ്ങളിലായി 2,300 പേർ ചികിത്സ തേടിയതോടെ ആകെ ചികിത്സയിലുള്ളവർ 81,687 ആയി. 

ആകെ കോവിഡ് ബാധിതർ 4,33,31,645. ഇതുവരെ 5,24,903 പേർ മരിച്ചു. ആകെ രോഗബാധിതരുടെ 0.19 ശതമാനം പേരാണു ചികിത്സയിലുള്ളത്. 98.60 ശതമാനമാണു രോഗമുക്തി നിരക്ക്. ഇതുവരെ ആകെ 4,27,25,055 പേർ രോഗമുക്തരായി. 196.45 കോടി ഡോസ് വാക്സീൻ വിതരണം ചെയ്തെന്നും കേന്ദ്ര ആരോഗ്യ മന്ത്രാലയം അറിയിച്ചു.

English Summary: India records 12,249 fresh covid cases