കോവിഡ് രോഗികളുടെ എണ്ണത്തിൽ വർധന; 13,313 പേർകൂടി രോഗബാധിതർ

ന്യൂഡൽഹി∙ കോവിഡ് രോഗികളുടെ എണ്ണത്തിൽ വീണ്ടും വർധന. 24 മണിക്കൂറിനിടെ രാജ്യത്ത് 13,313 പേർക്ക് കോവിഡ് സ്ഥിരീകരിച്ചു. 38 പേർ രോഗബാധിതരായി മരിച്ചു. പ്രതിദിന ടെസ്റ്റ് പോസിറ്റിവിറ്റി നിരക്ക് 2.03 ശതമാനമാണ്.

മഹാരാഷ്ട്രയിലും കേരളത്തിലുമാണ് കൂടുതൽ പേർ രോഗബാധിതരാകുന്നത്. മഹാരാഷ്ട്രയിൽ കഴിഞ്ഞ ദിവസം 3,260 പേർക്കാണ് കോവിഡ് ബാധിച്ചത്. കേരളത്തിൽ 3,890 പേരും രോഗബാധിതരായി. രാജ്യത്ത് പല സംസ്ഥാനങ്ങളിലും കോവിഡ് കേസുകൾ ഉയർന്നുവരികയാണ്. 5,24,941 പേരാണ് ഇതുവരെ രാജ്യത്ത് കോവിഡ് ബാധിച്ച് മരിച്ചത്. 

English Summary: Covid case rise in India