‘ഓപറേഷൻ താമരയോ മറ്റെന്തെങ്കിലുമോ പേരിട്ടു വിളിച്ചോളൂ, അത് നിങ്ങളുടെ ഇഷ്ടം. മഹാരാഷ്ട്രയിൽ സംഭവിക്കേണ്ടതാണ് സംഭവിച്ചു കൊണ്ടിരിക്കുന്നത്’ ഉദ്ധവ് താക്കറെ സർക്കാരിന്റെ ആസന്നമായേക്കാവുന്ന പതനത്തെക്കുറിച്ച് ബിജെപിയുടെ ദേശീയ നേതാവിന്റെ പ്രതികരണം ഇതായിരുന്നു. ഏകനാഥ് ഷിൻഡെയുടെ നേതൃത്വത്തിൽ ശിവസേന എംഎൽഎമാർ സൂറത്തിലെ പഞ്ചനക്ഷത്ര ഹോട്ടലിൽ എത്തിയതു മുതൽ രാഷ്ട്രീയത്തിൽ വീണ്ടും ‘ഓപറേഷൻ കമൽ’ വിരിഞ്ഞു നിൽക്കുകയാണ്.
