'വരുൺ വ്യക്തിപരമായ അഭിപ്രായം പങ്കുവയ്ക്കുന്നു'; വിമർശനവുമായി കേന്ദ്രമന്ത്രി

ഗ്വാളിയർ ∙ ബിജെപിയുടെ ഔദ്യോഗിക നിലപാടിന് വിരുദ്ധമായ അഭിപ്രായങ്ങൾ പങ്കുവയ്ക്കുന്ന ലോക്സഭാ എംപി വരുൺ ഗാന്ധിക്കെതിരെ വിമർശനവുമായി കേന്ദ്ര മന്ത്രി നരേന്ദ്ര സിങ് തോമർ. 'എല്ലാ വിഷയങ്ങളിലും വ്യക്തിപരമായ അഭിപ്രായങ്ങൾ പങ്കുവയ്ക്കാൻ വരുണിന് താൽപര്യമാണ്'-തോമർ പറഞ്ഞു. 

അഗ്നിപഥ് പദ്ധതിക്കെതിരെ ശക്തമായ വിമർശനവുമായി വരുൺ രംഗത്തെത്തിയിരുന്നു. 'ജനപ്രതിനിധികൾക്ക് എന്തിനാണ് റിട്ടയർമെന്റ് ആനുകൂല്യങ്ങൾ? അഗ്നിപഥ് പദ്ധതിയിൽ ചേരുന്നവർക്ക് പെൻഷൻ നൽകാൻ ഇനിയും അനുമതി ലഭിച്ചിട്ടില്ല എന്നോർക്കണം'- വരുൺ പറഞ്ഞു. 'അഗ്നിപഥ് സംബന്ധിച്ചും വരുൺ നടത്തിയത് കേവലം വ്യക്തിപരമായ അഭിപ്രായം മാത്രമാണന്നും-തോമർ വ്യക്തമാക്കി.      

മഹാരാഷ്ട്ര പ്രതിസന്ധിയിൽ ബിജെപിക്ക് യാതൊരു ഇടപെടലുമില്ലെന്നും തോമർ കൂട്ടിച്ചേർത്തു. മധ്യപ്രദേശിൽ നടക്കാനിരിക്കുന്ന തദ്ദേശ തിരഞ്ഞെടുപ്പിൽ ബിജെപി വിജയിക്കുമെന്ന് തോമർ വിശ്വാസം പ്രകടിപ്പിച്ചു.  

English Summary: "Varun Gandhi Fond Of Giving Personal Opinions": Union Minister Tomar