ട്വിറ്റർ വിലയ്ക്കു വാങ്ങുന്നതുകൊണ്ട് മസ്ക് എന്തു നേടുന്നു എന്നതാണു പലരും ഉന്നയിക്കുന്ന ചോദ്യം. കാരണം, മസ്കിന്റെ ഒരിതിന് യോജിച്ച ബിസിനസ് അല്ല ട്വിറ്റർ. 16 വർഷമായിട്ടും ഇപ്പോഴും നഷ്ടത്തിൽ തുടരുന്ന കമ്പനിയാണ്. പരസ്യവരുമാനമാണ് ആകെയുള്ളത്. അതിൽ വർധന രേഖപ്പെടുത്തുന്നതനുസരിച്ച് ഓരോ വർഷവും നഷ്ടം കുറച്ചുകൊണ്ടുവരുന്നുമുണ്ട്. പക്ഷേ മസ്ക് എന്ന നിക്ഷേപകന് ഈ ഇടപാടുകൊണ്ടെന്തു നേട്ടം എന്നതാണ് പ്രസക്തമായ ചോദ്യം!
