സ്ത്രീധന തർക്കം: ഭർതൃമാതാവ് തീക്കൊള്ളി കൊണ്ട് യുവതിയുടെ മുഖത്തടിച്ചു
Mail This Article
നെടുങ്കണ്ടം ∙ സ്ത്രീധന തുകയുടെ ബാക്കി ആവശ്യപ്പെട്ട് ഭർതൃമാതാവ് അടുപ്പിൽ നിന്നു തീക്കൊള്ളിയെടുത്ത് യുവതിയുടെ മുഖത്തടിച്ചെന്ന് പരാതി. മുഖത്തു പൊള്ളലേറ്റ തൂക്കുപാലം ശൂലപ്പാറ സ്വദേശിനി ഹസീന (29) താലൂക്ക് ആശുപത്രിയിൽ ചികിത്സയിലാണ്.
സംഭവത്തെക്കുറിച്ച് ഹസീന പറയുന്നതിങ്ങനെ: 9 വർഷം മുൻപായിരുന്നു വിവാഹം. സ്ത്രീധനമായി 50,000 രൂപ നൽകാൻ ധാരണയുണ്ടായിരുന്നു. ഈ പണം നൽകാത്തതുമായി ബന്ധപ്പെട്ടു തർക്കവും വഴക്കും ഉണ്ടായിട്ടുണ്ട്.
അടുത്തിടെ ഭർത്താവ് ഒരു കേസിൽ പൊലീസ് പിടിയിലായി. ഈ കേസ് ഒത്തുതീർപ്പാക്കാൻ ഒന്നര ലക്ഷം രൂപ ആവശ്യമായി വന്നു. ഈ പണം കണ്ടെത്താൻ സ്ത്രീധന തുകയുടെ ബാക്കി വേണമെന്നാവശ്യപ്പെട്ട് ഭർതൃമാതാവ് മർദിക്കുകയായിരുന്നു. ബോധരഹിതയായ ഹസീനയെ സഹോദരനും ഭാര്യയും ചേർന്നാണ് ആശുപത്രിയിൽ പ്രവേശിപ്പിച്ചത്.
Content Highlights: Crime, Crime News, Dowry