Premium

കോടികളുടെ ജിഎസ്‌ടി നഷ്ടപരിഹാരം ഇനി കിട്ടില്ല; കേരളവും കുടുങ്ങി,ഇനിയെന്ത് ചെയ്യും?

HIGHLIGHTS
  • ജിഎസ്‌ടിയുടെ അഞ്ചാം വർഷത്തിൽ കേരളത്തിനു ഞെട്ടൽ?
GST Compensation Fund
ബെംഗളൂരുവിലെ സെൻട്രൽ ഗുഡ്സ് ആൻഡ് സർവീസ് ടാക്സ് ഓഫിസിനു മുന്നിലെ കാഴ്ച. ചിത്രം: MANJUNATH KIRAN / AFP
SHARE

ന്യൂഡൽഹി∙ ‘‘ജിഎസ്ടി നഷ്ടപരിഹാര കാലാവധി നീട്ടിയില്ലെങ്കിൽ അതിന്റെ പ്രത്യാഘാതം സംസ്ഥാനങ്ങളെ സംബന്ധിച്ചിടത്തോളം വിനാശകരമായിരിക്കും. ഏറെ തിരഞ്ഞെടുപ്പുകൾ വരാനിരിക്കുന്ന സാഹചര്യത്തിൽ അതു സംഭവിക്കാൻ കേന്ദ്രസർക്കാർ ആഗ്രഹിക്കുമെന്ന് എനിക്ക് തോന്നുന്നില്ല’.-ജിഎസ്ടി സംവിധാനം നിലവിൽ വന്ന് 5 വർഷം തികയുന്നതിന് രണ്ടു ദിവസം മുൻപ് ചണ്ഡിഗഡിൽ നടന്ന 47–ാമത് ജിഎസ്ടി കൗൺസിൽ യോഗത്തിൽ തമിഴ്നാട് ധനമന്ത്രി പളനിവേൽ ത്യാഗരാജൻ മാധ്യമങ്ങൾക്കു മുന്നിൽ വച്ച പ്രതീക്ഷ ഇതായിരുന്നു. എന്നാൽ യോഗത്തിനു ശേഷം നടത്തിയ വാർത്താസമ്മേളനത്തിൽ ആവർത്തിച്ചുള്ള ചോദ്യങ്ങൾക്ക് കേന്ദ്ര ധനമന്ത്രി നിർമല സീതാരാമൻ ഇങ്ങനെ മറുപടി പറഞ്ഞു–‘‘പല സംസ്ഥാനങ്ങളും നഷ്ടപരിഹാര കാലാവധി സംബന്ധിച്ച് സംസാരിച്ചു. ഇതിൽ കൂടുതലൊന്നും തൽക്കാലം പറയാനില്ല’’. ജിഎസ്ടി 5 വർഷം പൂ‍ർത്തിയാക്കുന്നതിന്റെ ആഘോഷം ഡൽഹിയിൽ നടക്കുമ്പോഴും കേരളം അടക്കമുള്ള സംസ്ഥാനങ്ങൾ ഇനി എങ്ങനെ മുന്നോട്ടുപോകുമെന്ന ചോദ്യമാണ് ബാക്കിയാകുന്നത്. നഷ്ടപരിഹാര കാലാവധി നീട്ടുമെന്ന ഉറച്ച പ്രതീക്ഷയിലാണ് മിക്ക സംസ്ഥാനങ്ങളുമെത്തിയതെങ്കിലും അതുണ്ടായില്ലെന്നു മാത്രമല്ല, അതേക്കുറിച്ച് കാര്യമായി പ്രതികരിക്കാൻ പോലും കേന്ദ്രം തയാറായില്ല. 2017 മേയ് 18ന് ചേർന്ന ജിഎസ്ടി കൗൺസിൽ യോഗമാണ് ജിഎസ്ടിക്ക് അന്തിമ രൂപം നൽകിയത്. കേന്ദ്ര–സംസ്ഥാന തലങ്ങളിൽ നിലവിലിരുന്ന രണ്ടായിരത്തോളം പരോക്ഷ നികുതികൾക്കു ബദലായുള്ള ജിഎസ്ടിയുടെ വരവ് നികുതിരംഗത്തെ അപ്പാടെ മാറ്റിയെഴുതി. 122–ാം ഭരണഘടനാ ഭേദഗതി ബിൽ പാസായതോടെ, 2017 ജൂലൈ ഒന്നിനാണ് ജിഎസ്ടി ഔദ്യോഗികമായി നിലവിൽ വന്നത്. നഷ്ടപരിഹാരം നിലച്ചാൽ കേരളത്തിനുൾപ്പെടെ എന്തു സംഭവിക്കും? എത്ര രൂപയാണ് നഷ്ടപരിഹാരത്തിനു വേണ്ടി കേന്ദ്രം ഇതുവരെ ചെലവഴിച്ചത്?

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കുwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
Video

ചോക്ലേറ്റ് ചാക്കോച്ചനൊക്കെ പണ്ട്, ഇപ്പോ കൈയിൽ ചോക്ലേറ്റിന്റെ കവർ മാത്രമേയുള്ളു | Nna Thaan Case Kodu

MORE VIDEOS