നിർത്തിയിട്ടിരുന്ന കെഎസ്ആർടിസി ബസിനു പിന്നിൽ ലോറി ഇടിച്ചു; 8 യാത്രക്കാർക്ക് പരുക്ക്

കൊച്ചി∙ ആലുവ മുട്ടത്ത് നിർത്തിയിട്ടിരുന്ന കെഎസ്ആർടിസി ബസിനു പിന്നിൽ കണ്ടെയ്നർ ലോറി ഇടിച്ച് അപകടം. എട്ടു യാത്രക്കാർക്ക് പരുക്കേറ്റു. ലോറി ഡ്രൈവർക്കും പരുക്കേറ്റിട്ടുണ്ട്. ആരുടെയും നില ഗുരുതരമല്ല എന്നാണ് പ്രാഥമിക വിവരം. 

ഇന്നു രാവിലെ 6.30നായിരുന്നു അപകടം. കണ്ടെയ്നർ ലോറി നിർത്തിയിട്ട കെഎസ്ആർടിസി ബസിനു പിന്നിൽ  ഇടിച്ചതോടെ മുന്നിൽ ഉണ്ടായിരുന്ന കണ്ടെയ്നർ ലോറിയിലേക്കു ബസ് ഇടിച്ചു കയറുകയായിരുന്നു. പരുക്കേറ്റവരെ കളമശേരി മെഡിക്കൽ കോളജ് ഉൾപ്പടെയുള്ള വിവിധ ആശുപത്രികളിലേക്കു മാറ്റി.

English Summary : Lorry hits KSRTC bus in Kochi, 8 injured