മലയാളി ഫിഷിങ് വ്ലോഗർ കാനഡയിൽ മുങ്ങി മരിച്ചു; ഫിഷിങ് ബാഗ് എടുക്കുന്നതിനിടെയെന്ന് നിഗമനം

തിരുവമ്പാടി (കോഴിക്കോട്) ∙ ഫിഷിങ് വ്ലോഗർ ആയ മലയാളി കാനഡയിൽ മുങ്ങി മരിച്ചു. കാളിയാമ്പുഴ പാണ്ടിക്കുന്നേൽ ബേബിയുടെ മകൻ രാജേഷ് ജോൺ (35) ആണ് ആണ് മരിച്ചത്. ഓഗസ്റ്റ് 3ന് പുലർച്ചെ വീട്ടിൽ നിന്നും പോയ രാജേഷ് രാവിലെ വീട്ടുകാരുമായി ബന്ധപ്പെട്ടിരുന്നു.

പിന്നീട് വിവരമൊന്നും ഇല്ലാതെ ആയപ്പോൾ ഭാര്യ പൊലീസിൽ അറിയിച്ചു. തുടർന്നു നടത്തിയ തിരച്ചിലിൽ വെള്ളച്ചാട്ടത്തിൽ നിന്നു മൃതദേഹം കണ്ടെത്തുകയായിരുന്നു.

കയ്യിൽ നിന്നും പോയ ഫിഷിങ് ബാഗ് ചൂണ്ട വച്ച് എടുക്കാനുള്ള ശ്രമത്തിനിടയിൽ തെന്നി വീഴുകയായിരുന്നു എന്ന് കരുതുന്നു. ഞായറാഴ്ച ഉച്ചയോടെയാണ് മൃതദേഹം കണ്ടെത്തിയത്. സംസ്കാരം പിന്നീട്. ഭാര്യ:അനു. മകൻ:ഏദൻ. മാതാവ്: വത്സമ്മ. സഹോദരി: സോണിയ.

English Summary: Mallu Vloger Drowned at Canada