തെലങ്കാനയിൽ ബിജെപി നേതാവ് ആത്മഹത്യ ചെയ്ത നിലയിൽ
Mail This Article
ഹൈദരാബാദ്∙ തെലങ്കാനയിൽ ബിജെപി നേതാവിനെ വസതിയിൽ ആത്മഹത്യ ചെയ്ത നിലയിൽ കണ്ടെത്തി. തെലങ്കാനയിലെ ബിജെപി നേതാവ് ജ്ഞാനേന്ദ്ര പ്രസാദ് ആണ് മരിച്ചത്. തിങ്കളാഴ്ച രാവിലെ 11 മണിയോടെ ജ്ഞാനേന്ദ്ര പ്രസാദിനെ ഫാനിൽ തൂങ്ങിയ നിലയിൽ കുടുംബാംഗമാണ് കണ്ടെത്തിയത്. ഉടൻ തന്നെ ആശുപത്രിയിൽ എത്തിച്ചുവെങ്കിലും വൈകാതെ മരിച്ചു.
ആത്മഹത്യാ കുറിപ്പുകളൊന്നും തന്നെ കണ്ടെടുത്തിട്ടില്ലെന്നും ജ്ഞാനേന്ദ്ര പ്രസാദ് കുറെക്കാലമായി കുടുംബാംഗങ്ങളിൽ നിന്ന് അകന്നു കഴിയുകയായിരുന്നുവെന്നും പൊലീസ് അറിയിച്ചു. കുടുംബവീടിനോടു ചേർന്നുള്ള കെട്ടിടത്തിലായിരുന്നു താമസം. വാതിൽ അകത്തു നിന്ന് കുറ്റിയിട്ട നിലയിലായിരുന്നു. ഏറെ നേരമായി ജ്ഞാനേന്ദ്ര പ്രസാദിനെ കാണാതായതോടെ കുടുംബാംഗം നടത്തിയ അന്വേഷണത്തിലാണ് തൂങ്ങിയ നിലയിൽ കണ്ടെത്തിയത്.
English Summary: Telangana BJP leader Gnanendra Prasad found dead at home