‘ഡൽഹിക്കാരാണ് ജാവോന്ന് പറയണം’; ഭീഷ്മപർവ്വം സ്റ്റൈലിൽ ഇഡിക്കെതിരെ പോസ്റ്ററുകൾ
Mail This Article
തിരുവനന്തപുരം∙ സിപിഎം നേതാവും എംഎൽഎയുമായ വി.കെ. പ്രശാന്ത് ഉൾപ്പെടെയുള്ളവരുടെ സമൂഹമാധ്യമ അക്കൗണ്ടുകളിലൂടെ എൻഫോഴ്സ്മെന്റ് ഡയറക്ടറേറ്റിനെ (ഇഡി) വെല്ലുവിളിച്ച് സിപിഎം. മമ്മൂട്ടിയുടെ ഭീഷ്മപർവ്വം എന്ന ചിത്രത്തിലെ ‘ഡൽഹിക്കാരാണ് ജാവോന്ന് പറയണം’ എന്ന സംഭാഷണത്തോടൊപ്പം മുൻ ധനമന്ത്രി തോമസ് ഐസക്കിന്റെ ചിത്രവും ഉൾപ്പെടുത്തിയ പോസ്റ്ററുകളാണ് പ്രചരിക്കുന്നത്.
കിഫ്ബി സാമ്പത്തിക ഇടപാടുകളുമായി ബന്ധപ്പെട്ട് ഇഡി, തോമസ് ഐസക്കിനെ ചോദ്യം ചെയ്യലിനായി വിളിപ്പിച്ചിരുന്നു. രണ്ടുവട്ടവും അദ്ദേഹം ഹാജരായില്ല. പിന്നാലെ കോടതിയെ സമീപിച്ച അദ്ദേഹത്തിന് അടുത്ത ബുധനാഴ്ച വരെ ഹാജരാകുന്നതിൽനിന്ന് സാവകാശം ലഭിക്കുകയും ചെയ്തു. തോമസ് ഐസക്കിന്റെ സ്വകാര്യതയെ മാനിക്കണമെന്ന് ഹൈക്കോടതി ഇഡിക്ക് നിർദേശം നൽകി. കിഫ്ബി മസാല ബോണ്ടിറക്കിയതില് ഫെമ നിയമത്തിന്റെ ലംഘനമുണ്ടെന്നാണ് ഇഡിയുടെ വാദം.
English Summary: CPM poster campaign against ED with Mammootty starred Bheeshmaparvam dialogue