‘മന്ത്രിമാർക്കെതിരെ വിമർശനം ഉണ്ടായെന്നത് തെറ്റ്; ആർക്കെങ്കിലും സന്തോഷം കിട്ടുമെങ്കിൽ പ്രചരിപ്പിക്കാം’

കോഴിക്കോട് ∙ സിപിഎം സംസ്ഥാന സമിതിയിൽ ചർച്ചയായത് ഭരണം മെച്ചപ്പെടുത്താനുള്ള കാര്യങ്ങളെന്ന് പൊതുമരാമത്തു മന്ത്രി മുഹമ്മദ് റിയാസ്. മന്ത്രിമാർക്കെതിരെ വിമർശനം ഉണ്ടായിട്ടില്ല. ഇക്കാര്യത്തിൽ തെറ്റിദ്ധാരണ ഉണ്ടാക്കുന്ന വാർത്തകളാണ് പ്രചരിക്കുന്നത്. ഇതിലൂടെ ആർക്കെങ്കിലും സന്തോഷം ലഭിക്കുന്നുവെങ്കിൽ ആവട്ടെ എന്നും മന്ത്രി പറഞ്ഞു.

ഒന്നാം പിണറായി സര്‍ക്കാരുമായി താരതമ്യപ്പെടുത്തുമ്പോള്‍ ഇത്തവണ പ്രവര്‍ത്തനം ദയനീയമാണെന്നും മന്ത്രിമാര്‍ക്ക് യാത്ര ചെയ്യാൻ മടിയാണെന്നും സംസ്ഥാന സമിതിയിൽ വിമർശനം ഉയർന്നിരുന്നു. എല്ലാം ഓണ്‍ലൈനായി നടത്താമെന്നാണ് ചിന്ത. പല മന്ത്രിമാരെയും ഫോണിൽ വിളിച്ചാല്‍ എടുക്കാറില്ലെന്നും വിമർശനം ഉയർന്നു. തദ്ദേശ സ്വയംഭരണം, ആരോഗ്യം, പൊതുമരാമത്ത്, ഗതാഗതം, വനം തുടങ്ങിയ വകുപ്പുകൾക്കെതിരെയാണ് വിമർശനം ഉയർന്നത്. ഇതിനോടാണ് മന്ത്രിയുടെ പ്രതികരണം.

English Summary: Minister PA Mohammed Riyas on CPM State Committee Criticism