Premium

'2024ൽ മോദിക്ക് അത് സാധിക്കുമോ?'; ബിഹാറിൽ പടയൊരുക്കം തുടങ്ങി 'ജനതാ പരിവാർ'?

HIGHLIGHTS
  • ബിജെപിക്കെതിരെ വീണ്ടും ഒന്നിക്കുമോ പഴയ ‘ജനതാ കുടുംബം’?
Janata Parivar
മുലായം സിങ് യാദവ്, നിതിഷ് കുമാർ, ശരത് യാദവ്, ലാലു പ്രസാദ് യാദവ്. 2015 ഏപ്രിലിലെ ചിത്രം: AFP PHOTO / SAJJAD HUSSAIN
SHARE

അടുത്ത ലോക്സഭാ തിരഞ്ഞെടുപ്പ് നടക്കുന്ന 2024 ൽ ബിഹാർ മുഖ്യമന്ത്രി നിതീഷ് കുമാറിന് 73 വയസ്സാകും. ഈ സമയത്ത് ആർജെഡി തലവനും മുൻ ബിഹാർ മുഖ്യമന്ത്രിയുമായ ലാലു പ്രസാദ് യാദവിന് 76 ഉം മുൻ ഉത്തർ പ്രദേശ് മുഖ്യമന്ത്രി മുലായം സിങ് യാദവിന് 84 ഉം മുൻ പ്രധാനമന്ത്രി ദേവെ ഗൗഡയ്ക്ക് 91 ഉം വയസ്സാകും. ഇന്ത്യൻ സോഷ്യലിസ്റ്റ് പ്രസ്ഥാനത്തിന്റെ ഇന്നു ജീവിച്ചിരിക്കുന്ന പ്രധാന നേതാക്കളെന്ന നിലയിൽ ചരിത്രത്തിൽ സ്വന്തം പേരെഴുതിയവരാണ് ഇവരെല്ലാവരും. ബിഹാറിൽ ഒരിക്കൽ പിരി‍ഞ്ഞ ബന്ധം വീണ്ടും പൊടിതട്ടിയെടുത്തുകൊണ്ട് നിതീഷ് കുമാറും ലാലുവിന്റെ മകൻ തേജസ്വി യാദവും വീണ്ടുമൊരു ഇന്നിങ്സിന് തുടക്കം കുറിച്ച സമയമാണിത്. 2024 ൽ നരേന്ദ്ര മോദി–അമിത് ഷാ സഖ്യത്തിന്റെ ബിജെപി മൂന്നാം തവണയും അധികാരത്തിനായി പടയ്ക്കിറങ്ങുമ്പോൾ പഴയ 'ജനതാ പരിവാർ' പൊടിതട്ടിയെടുക്കണമെന്ന ദേവെ ഗൗഡ‍യുടെ ആഗ്രഹം സഫലമാകുമോ? അതിന് 2024 വരെ കാത്തിരിക്കണമെങ്കിലും ഒരുക്കം തുടങ്ങുകയാണ് എന്ന സൂചനയാണ് എട്ടാം തവണ മുഖ്യമന്ത്രിയായി സത്യപ്രതിജ്ഞ ചെയ്യുമ്പോൾ നിതീഷ് കുമാർ പ്രകടിപ്പിച്ചത്. അതായത്, "2014-ൽ മോദി വിജയിച്ചു. പക്ഷേ 2024–ൽ അദ്ദേഹത്തിന് അത് സാധിക്കുമോ" എന്ന് നിതീഷ് ചോദിച്ചു കഴിഞ്ഞു. "മൂന്ന് പ്രധാനമന്ത്രിമാരെ സമ്മാനിച്ചതാണ് ജനതാ കുടുംബം. എനിക്ക് പ്രായമായി. എന്നാൽ വരുന്ന തലമുറയ്ക്കെങ്കിലും പഴയ ജനതാ കുടുംബത്തെ ഒന്നിപ്പിക്കാനും ഇന്ത്യയെ കൈപിടിച്ചു നടത്താനും കഴിഞ്ഞെങ്കിൽ എന്നാണ് ആഗ്രഹം"– ബിഹാറിലെ സംഭവ വികാസങ്ങളോട് ഗൗ‍ഡ പ്രതികരിച്ചത് ഇങ്ങനെയാണ്. എന്നാൽ അതത്ര എളുപ്പമാണോ? രൂപീകരിച്ച കാലം മുതൽ ഓരോ വർഷവും പിളരുകയും പുതിയ സംഘടനകൾ രൂപമെടുക്കുകയും ചെയ്യുന്ന ഒരു പ്രസ്ഥാനത്തിന് ബിജെപി പോലെ സമ്പത്തും കരുത്തും സംഘടനാബലവുമുള്ള ഒരു പാർട്ടിയെ നേരിടാൻ കഴിയുമോ? നൂറ്റാണ്ടുകളുടെ പാരമ്പര്യം അവകാശപ്പെടുന്ന കോൺഗ്രസ് പ്രസ്ഥാനം തന്നെ രാഷ്ട്രീയമായി ഏറെ തളർന്നിരിക്കുന്ന അവസ്ഥയിൽ ഈ ജനതാ കുടുംബ കൂട്ടായ്മ എത്രത്തോളം യാഥാർഥ്യമാകും എന്നതാണ് ചോദ്യം.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കുwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
Video

നല്ലതു ചെയ്യുന്നവരെല്ലാം ദൈവമാണ് | Nikhil Siddhartha | Anupama Parameswaran Latest Interview

MORE VIDEOS
{{$ctrl.title}}
{{$ctrl.title}}

{{$ctrl.currentDate}}

  • {{item.description}}