കേന്ദ്രം ഫണ്ടു തന്നാൽ ദേശീയ പാതയിലെ കുഴിയടയ്ക്കാൻ സഹായിക്കാം: മന്ത്രി റിയാസ്

കോഴിക്കോട്∙ കേന്ദ്രം ഫണ്ട് തന്നാൽ ദേശീയപാതയിലെ കുഴിയടയ്ക്കാൻ പൊതുമരാമത്ത് വകുപ്പ് സഹായിക്കാമെന്നു മന്ത്രി പി.എ.മുഹമ്മദ് റിയാസ്.

‘‘ദേശീയപാതയുമായി ബന്ധപ്പെട്ട അറ്റകുറ്റപ്പണികളിൽ സഹായം ആവശ്യമുണ്ടെങ്കിൽ സഹായിക്കാൻ പൊതുമരാമത്ത് വകുപ്പ് തയാറാണ്. നേരിട്ട് അവർക്ക് അറ്റകുറ്റപ്പണി നടത്താൻ കഴിയുന്നില്ലെങ്കിൽ പൊതുമരാമത്ത് വകുപ്പിന് കീഴിലുള്ള ദേശീയപാത വിഭാഗം സഹായിക്കും. ഈ കാര്യം  ദേശീയപാത അതോറിറ്റിയെ അറിയിച്ചിട്ടുണ്ട്. ഫണ്ട് കേന്ദ്രം നൽകിയാൽ അതുപയോഗിച്ച് അറ്റകുറ്റപ്പണി നടത്തും’’. ആലപ്പുഴയിൽ നേരത്തേ ഈ മാതൃകയിൽ അറ്റകുറ്റപ്പണി നടത്തിയിരുന്നുവെന്നും മുഹമ്മദ് റിയാസ് പറഞ്ഞു.

English Summary: Minister Muhammed Riyas on patholes in NH roads