ഷാജഹാൻ വധം: എല്ലാം ബിജെപിയുടെ തലയിൽ ഇടണോയെന്ന് കെ.സുധാകരൻ
Mail This Article
തിരുവനന്തപുരം ∙ പാലക്കാട് സിപിഎം നേതാവ് ഷാജഹാന്റെ കൊലപാതകത്തിൽ പ്രതികരണവുമായി കെപിസിസി പ്രസിഡന്റ് കെ.സുധാകരൻ. എല്ലാം ബിജെപിയുടെ തലയിൽ ഇടണോ? സിപിഎമ്മിനെതിരെ പറയുന്നത് പാർട്ടി അംഗങ്ങളാണെന്നും സുധാകരൻ പറഞ്ഞു. സിപിഎമ്മിന്റെ അതിക്രമങ്ങൾക്ക് പൊലീസ് കൂട്ടുനിൽക്കുന്നുവെന്നും അദ്ദേഹം ആരോപിച്ചു.
ഷാജഹാനെ കൊലപ്പെടുത്തിയത് ആര്എസ്എസ് ആണെന്ന നിഗമനത്തിലെത്താൻ സമയമായിട്ടില്ലെന്നായിരുന്നു സിപിഎം ജനറല് സെക്രട്ടറി സീതാറാം യച്ചൂരി പറഞ്ഞത്. സിപിഐ സംസ്ഥാന സെക്രട്ടറി കാനം രാജേന്ദ്രനും ഇതേ നിലപാടാണ് സ്വീകരിച്ചത്. കൊലപാതകമുണ്ടായാല് ഉടന്തന്നെ ആരോപണമുന്നയിക്കുന്നത് ശരിയല്ല. സമാധാനം തകര്ക്കാര് ആരെങ്കിലും ശ്രമിക്കുന്നുണ്ടോയെന്ന് പൊലീസ് കണ്ടുപിടിക്കട്ടെ. നിയമസഭയിലുള്ള എല്ലാ രാഷ്ട്രീയപാര്ട്ടികളും കൊലപാതകങ്ങളെ തള്ളിപ്പറഞ്ഞിട്ടുണ്ടെന്നും കാനം ചൂണ്ടിക്കാട്ടി.
English Summary: K Sudhakaran on Palakkad Shajahan murder case