മോശം ഭക്ഷണം; കേറ്ററിങ് മാനേജറുടെ മുഖത്തടിച്ച് എംഎൽഎ – വിഡിയോ

മുംബൈ∙ ഗുണനിലവാരം കുറഞ്ഞ ഭക്ഷണം വിതരണം ചെയ്തെന്നാരോപിച്ചു കേറ്ററിങ് സർവീസ് മാനേജർക്ക് ശിവസേന എംഎൽഎയുടെ മർദനം. മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെയുടെ കൂടെയുള്ള വിമത എംഎൽഎ സന്തോഷ് ബംഗർ മർദിക്കുന്നതിന്റെ വിഡിയോ സമൂഹമാധ്യമങ്ങളിൽ വൈറലായി.

ഉച്ചഭക്ഷണ പദ്ധതിയുടെ ഭാഗമായി ഹിംഗോളി ജില്ലയിലെ തൊഴിലാളികൾക്കു വിതരണം ചെയ്യുന്ന ഭക്ഷണം മോശമാണെന്നു പറഞ്ഞാണ് സന്തോഷ്, കേറ്ററിങ് മാനേജറെ അസഭ്യം പറയുന്നതും മുഖത്ത് ഒന്നിലേറെത്തവണ അടിക്കുന്നതും. ഭക്ഷണത്തെ കുറിച്ചു പരാതി കിട്ടിയതിനെ തുടർന്നു നേരിട്ടു പരിശോധിച്ചു ബോധ്യപ്പെട്ടതിനാലാണ് ഇങ്ങനെ ചെയ്യേണ്ടി വന്നതെന്നു സന്തോഷ് പറഞ്ഞു.

English Summary: Video: Shiv Sena MLA Slaps Catering Manager Over Food Quality