‘ആയിരം കാതമകലെയാണെങ്കിലും...’; പാട്ടുപാടി താരമായി പാണക്കാട് സാദിഖലി ശിഹാബ് തങ്ങൾ

മലപ്പുറം∙ മലപ്പുറം ഗവ. കോളജ് പൂർവ വിദ്യാർഥി സംഗമത്തിൽ പാട്ടുപാടി താരമായി മുസ്‌ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ. കോളജിന്റെ സുവർണ ജൂബിലിയുടെ ഭാഗമായി ഇന്നലെ നടന്ന ഗ്ലോബൽ അലുംനൈ മീറ്റിലാണു തങ്ങൾ പാട്ടുപാടി കയ്യടി നേടിയത്.

1981–84 സയൻസ് ബാച്ചിലെ വിദ്യാർഥിയായിരുന്നു തങ്ങൾ. അനുഭവം പങ്കുവച്ചശേഷം കലാലയ കാലത്തെ ഗായകർ ഓരോരുത്തരായി പാട്ടുപാടി. ഒടുവിൽ, സദസ്സിന്റെ നിർബന്ധത്തിനു വഴങ്ങി, ‘ആയിരം കാതമകലയാണെങ്കിലും മായാതെ മക്ക മനസ്സിൽ നിൽപൂ’ എന്ന ഗാനം തങ്ങൾ ആലപിക്കുകയായിരുന്നു. കോളജിലെ പൂർവ വിദ്യാർഥി സിപിഎം പൊളിറ്റ് ബ്യൂറോ അംഗം എ.വിജയരാഘവനും സംഗമത്തിൽ പങ്കെടുത്തു.

English Summary: Sadiq Ali Shihab Thangal sing songs at College Alumni