നടി കേസിൽ കോടതി മാറ്റത്തിനെതിരായ അതിജീവിതയുടെ ഹർജി: ജസ്റ്റിസ് കൗസർ പിന്മാറി

കൊച്ചി∙ ക്വട്ടേഷൻ പ്രകാരം നടിയെ തട്ടിക്കൊണ്ടുപോയി പീഡിപ്പിച്ചെന്ന കേസിൽ കോടതി മാറ്റത്തിനെതിരായ അതിജീവിതയുടെ ഹർജി പരിഗണിക്കുന്നതിൽനിന്ന് ജസ്റ്റിസ് കൗസർ എടപ്പഗത്ത് പിന്മാറി. ഹർജിയിൽ നടൻ ദിലീപ് ഉൾപ്പെടെയുള്ള പ്രതികൾക്കും സർക്കാരിനും നോട്ടിസ് നൽകാൻ ഹൈക്കോടതി നിർദേശിച്ചിരുന്നു.

നടിയെ തട്ടിക്കൊണ്ടുപോയി പീഡിപ്പിച്ചെന്ന കേസിന്റെ വിചാരണ എറണാകുളം പ്രിൻസിപ്പൽ സെഷൻസ് കോടതിയിലേക്ക് മാറ്റിയതിനെതിരെയാണ് അതിജീവിത ഹർജി നൽകിയത്. എറണാകുളം സ്പെഷൽ അഡീഷനൽ സെഷൻസ് കോടതിയിലാണു വിചാരണ നടന്നിരുന്നത്. ഹൈക്കോടതിയുടെ ഉത്തരവില്ലാതെ പ്രിൻസിപ്പൽ സെഷൻസ് കോടതിയിലേക്ക് മാറ്റിയത് നിയമവിരുദ്ധമാണെന്നാണ് അതിജീവിതയുടെ ആരോപണം.

English Summary: Actress Attack Case court shift: Justice Kauser Edappagath retreated