ആണ്കുട്ടികളും പെൺകുട്ടികളും ഒരുമിച്ചിരിക്കുന്നത് അപകടകരം: പി.എം.എ.സലാം
Mail This Article
കോഴിക്കോട്∙ സ്കൂളുകളിൽ ആണ്കുട്ടികളും പെൺകുട്ടികളും ഒരുമിച്ചിരിക്കുന്നത് അപകടകരമാണെന്ന് മുസ്ലിം ലീഗ് ജനറല് സെക്രട്ടറി ഇന് ചാര്ജ് പി.എം.എ.സലാം. ജെൻഡർ ന്യൂട്രൽ വിഷയത്തില് മതപരമായ പ്രശ്നമല്ല, ധാർമികമായ പ്രശ്നമാണ്. ലിബറിസം കൊണ്ടുവരാനുള്ള ശ്രമത്തെയാണ് എതിർക്കുന്നത്. ജെൻഡർ ന്യൂട്രൽ യൂണിഫോം അടിച്ചേൽപ്പിക്കാൻ ശ്രമിക്കുന്നു. ജെൻഡർ ന്യൂട്രാലിറ്റി നടപ്പാക്കിയാൽ കുട്ടികൾ വഴിതെറ്റും. ഇതു പിൻവലിക്കാൻ സർക്കാരിനോട് ആവശ്യപ്പെടുമെന്നും അദ്ദേഹം പറഞ്ഞു.
മത മൂല്യങ്ങള് തകര്ക്കുന്നതാണു ജെന്ഡര് ന്യൂട്രാലിറ്റിയെന്ന് എം.കെ.മുനീര് എംഎൽഎ കഴിഞ്ഞ ദിവസം പറഞ്ഞിരുന്നു. ജെന്ഡര് ന്യൂട്രാലിറ്റി നടപ്പാക്കുമ്പോള് സ്വവര്ഗ ലൈംഗികതയ്ക്ക് എന്തിനാണു കേസെടുക്കുന്നത്?. ആണ്കുട്ടികൾ മുതിര്ന്ന ആളുകളുമായി ബന്ധപ്പെട്ടാല് പോക്സോ കേസ് എടുക്കുന്നതെന്തിനാണെന്നും ജെന്ഡര് ന്യൂട്രാലിറ്റി വന്നാല് ആണ്കുട്ടികള് ദുരുപയോഗം ചെയ്യപ്പെടുമെന്നും എം.കെ.മുനീര് പറഞ്ഞു.
English Summary: PMA Salam on Gender Neutrality