‘അകമ്പടി വ്യൂഹം മുഖ്യമന്ത്രി വേണ്ടെന്നു വയ്ക്കണം; കാനം സെക്രട്ടറിയോ എന്നു സമ്മേളനം തീരുമാനിക്കും’

അധികാരം തലയ്ക്കു പിടിക്കരുത്. ഭൂരിപക്ഷം കൂടുന്നു, ജനപിന്തുണ കൂടുന്നു, തുടർഭരണം ലഭിക്കുന്നു എന്നതിന്റെ ഭാഗമായി അധികാരം തലയ്ക്കു പിടിച്ചാൽ വലിയ അപകടത്തിലേക്ക് പോകും. സോവിയറ്റ് യൂണിയനിൽ അതു സംഭവിച്ചില്ലേ. പാലും തേനും ഒഴുകിയ നാടാണ്. ഞാൻ എട്ടു മാസത്തോളം അവിടെ ഉണ്ടായിരുന്നു. മാവേലിയുടെ കാലം എന്നെല്ലാം നമ്മൾ മലയാളികൾ പറയില്ലേ. അതു പോലെ ആയിരുന്നു. പക്ഷേ പതിയെ അവിടെ പാർട്ടിനേതൃത്വം ഉയർന്ന വർഗമായി മാറി..