രാജ്യത്ത് അപ്രഖ്യാപിത അടിയന്തരാവസ്ഥ; പിഎഫ്ഐ നിരോധനത്തിൽ എസ്ഡിപിഐ
Mail This Article
തിരുവനന്തപുരം∙ പോപ്പുലർ ഫ്രണ്ട് ഓഫ് ഇന്ത്യയെ(പിഎഫ്ഐ) നിരോധിച്ചതിനെതിരെ രൂക്ഷ വിമർശനവുമായി എസ്ഡിപിഐ. രാജ്യത്ത് അപ്രഖ്യാപിത അടിയന്തരാവസ്ഥയാണുള്ളതെന്ന് എസ്ഡിപിഐ ദേസീയ പ്രസിഡന്റ് എം.കെ. ഫൈസി പ്രസ്താവനയിൽ പറഞ്ഞു.
‘‘ഭരണഘടന ഉറപ്പുനൽകുന്ന അവകാശത്തെ ഇല്ലാതാക്കുന്നതാണ് പോപ്പുലർ ഫ്രണ്ടിന്റെ നിരോധനം. ബിജെപി സർക്കാരിന്റെ ജനവിരുദ്ധ നയങ്ങൾക്കെതിരെ ശബ്ദമുയർത്തുന്നവരെ റെയ്ഡുകൾ നടത്തി അറസ്റ്റ് ചെയ്യുകയാണ്. അന്വേഷണ ഏജൻസികളെ ഉപയോഗിച്ച് പ്രതിപക്ഷപാർട്ടികളെ നിശബ്ദമാക്കാൻ ശ്രമിക്കുകയാണ്’’ – എസ്ഡിപിഐ ആരോപിച്ചു.
രാജ്യത്തുടനീളമുള്ള പോപ്പുലർ ഫ്രണ്ട് ഓഫ് ഇന്ത്യ കേന്ദ്രങ്ങളിൽ നടത്തിയ റെയ്ഡിനു പിന്നാലെയാണ് പിഎഫ്ഐയെയും 8 അനുബന്ധ സംഘടനകളെയും നിരോധിക്കാൻ കേന്ദ്രം തീരുമാനിച്ചത്.
English Summary: SDPI, the political arm of the Popular Front Of India on the ban