ശ്രീനാരായണഗുരു ഓപ്പൺ സർവകലാശാല: കോഴ്സുകൾക്ക് അപേക്ഷ ക്ഷണിക്കാൻ അനുമതി
Mail This Article
×
കൊച്ചി∙ ശ്രീനാരായണഗുരു ഓപ്പൺ സർവകലാശാലയ്ക്ക് യുജിസി അംഗീകാരം നൽകിയവ ഒഴികെയുള്ള വിദൂര വിദ്യാഭ്യാസ കോഴ്സുകൾക്ക് അപേക്ഷ ക്ഷണിക്കാൻ കേരളത്തിലെ മറ്റു സർവകലാശാലകൾക്ക് ഹൈക്കോടതി അനുമതി. ശ്രീനാരായണഗുരു ഓപ്പൺ സർവകലാശാലയ്ക്ക് 7 കോഴ്സുകൾക്കാണ് യുജിസി അംഗീകാരം നൽകിയതെന്നു യുജിസി അഭിഭാഷകൻ ഹൈക്കോടതിയിൽ അറിയിച്ചു.
തുടർന്ന് ഇവ ഒഴികെയുള്ളവയ്ക്ക് അപേക്ഷ ക്ഷണിക്കാനാണു ജസ്റ്റിസ് ദേവൻ രാമചന്ദ്രൻ ഇടക്കാല ഉത്തരവിലൂടെ അനുമതി നൽകിയത്. ഓപ്പൺ സർവകലാശാലയ്ക്ക് അനുമതി ലഭിച്ച കോഴ്സുകൾ നടത്താൻ കേരളത്തിലെ മറ്റു സർവകലാശാലകൾക്കും അനുമതി നൽകാമോയെന്ന കാര്യത്തിൽ വിശദമായ വാദം കേൾക്കേണ്ടതുണ്ടെന്നും ഹൈക്കോടതി വ്യക്തമാക്കി. ഹർജികൾ ഒരു മാസത്തിനുശേഷം പരിഗണിക്കാൻ മാറ്റി.
English Summary: High Court on Sree Narayanaguru Open University Courses
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.