ഹർത്താലിനിടെ പൊതുമുതൽ നശിപ്പിച്ചു: 3 പിഎഫ്ഐ പ്രവർത്തകർ റിമാൻഡിൽ
Mail This Article
×
മേപ്പയൂർ (കോഴിക്കോട്)∙ പോപ്പുലർ ഫ്രണ്ട് (പിഎഫ്ഐ) നടത്തിയ ഹർത്താലിനിടെ, പൊതുമുതൽ നശിപ്പിച്ച സംഭവത്തിൽ മൂന്ന് പിഎഫ്ഐ പ്രവർത്തകർ റിമാൻഡിൽ. മേപ്പയൂർ മുണ്ടയോട്ടിൽ സിദ്ദീഖ് (45), കീഴ്പ്പയ്യൂർ മാരിയം വീട്ടിൽ ജമാൽ (45), പുതിയോട്ടൂർ കൂനം റസാഖ് (38) എന്നിവരാണ് റിമാൻഡിലായത്.
ഹർത്താലിനിടെ റോഡിൽ ടാർ ഒഴിച്ച് കത്തിച്ച് നശിപ്പിക്കുകയായിരുന്നെന്ന് മേപ്പയൂർ പൊലീസ് പറഞ്ഞു. ഇൻസ്പെക്ടർ കെ.ഉണ്ണികൃഷ്ണന്റെ നേതൃത്വത്തിലുള്ള പൊലീസ് സംഘമാണ് അറസ്റ്റ് ചെയ്തത്. മേപ്പയൂർ കൊയിലൊത്ത് സഹൽ എന്ന പിഎഫ്ഐ പ്രവർത്തകനെയും അറസ്റ്റ് ചെയ്തിട്ടുണ്ട്. നിരോധനം പ്രഖ്യാപിച്ചതോടെ പിഎഫ്ഐ പ്രവർത്തകരെ കസ്റ്റഡിയിലെടുക്കുന്നതിന്റെ ഭാഗമായാണ് നടപടി.
English Summary: Hartal Violence: 3 PFI workers remanded in Meppayur
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.