ജസീറ എയർവേയ്‌സ് കുവൈത്ത്- തിരുവനന്തപുരം സർവീസ് തുടങ്ങി; വാട്ടർ സല്യൂട്ട് നൽകി സ്വീകരണം

തിരുവനന്തപുരം ∙ കുവൈത്തിലെ ജസീറ എയർവേയ്‌സ് തിരുവനന്തപുരം സെ‌ക്‌ടറിൽ സർവീസ് തുടങ്ങി. ഇന്നു പുലർച്ച 2 മണിക്ക് തിരുവനന്തപുരം രാജ്യാന്തര വിമാനത്താവളത്തിൽ എത്തിയ ആദ്യ വിമാനത്തെ വാട്ടർ സല്യൂട്ട് നൽകി സ്വീകരിച്ചു. 124 പേരാണ് ആദ്യ വിമാനത്തിൽ എത്തിയത്. കുവൈറ്റിലേയ്ക്കുള്ള ആദ്യ യാത്രക്കാരായ 151 പേരെ സമ്മാനങ്ങൾ നൽകിയാണ് വിമാനത്താവളത്തിൽ വരവേറ്റത്. 

തിരുവനന്തപുരത്തുനിന്ന് തിങ്കൾ, ബുധൻ ദിവസങ്ങളിൽ രാവിലെ 2.50നു പുറപ്പെട്ട് 5.55ന് കുവൈത്തിലെത്തും. കുവൈത്തിൽ നിന്ന് വൈകിട്ട് 6.25ന് പുറപ്പെടുന്ന വിമാനം പുലർച്ചെ 2.05 ന് തിരുവനന്തപുരത്തെത്തും. 160 പേർക്കു യാത്ര ചെയ്യാവുന്ന എ 320 വിമാനമാണ് സർവീസിന്  ഉപയോഗിക്കുക.

English Summary: Jazeera Airways starts service in Kuwait - Thiruvananthapuram sector