‘ഗവർണറെ ചാൻസലർ പദവിയിൽനിന്ന് നീക്കും; പെൻഷനിൽ വിവാദം ഒഴിവാക്കും’
Mail This Article
തിരുവനന്തപുരം∙ പൊതുമേഖലാ സ്ഥാപനങ്ങളിലെ പെന്ഷന് പ്രായം 60 വയസ്സാക്കിയതിനെ തുടര്ന്നുണ്ടായ വിവാദം അവസാനിപ്പിക്കാന് സിപിഎമ്മില് ധാരണ. സംസ്ഥാന സെക്രട്ടേറിയറ്റില് മുഖ്യമന്ത്രി പിണറായി വിജയൻ ഇതുസംബന്ധിച്ച് വിശദീകരണം നല്കി.
പൊതുചട്ടക്കൂട് തയാറാക്കുന്നതിന്റെ ഭാഗമായാണ് ഇത്തരമൊരു തീരുമാനം ഉണ്ടായതെന്നും പാര്ട്ടി നയമല്ലാത്തതിനാല് മരവിപ്പിച്ചുവെന്നും മുഖ്യമന്ത്രി സെക്രട്ടേറിയറ്റില് പറഞ്ഞു. ഗവർണർ ആരിഫ് മുഹമ്മദ് ഖാനെ ചാൻസലർ പദവിയിൽനിന്ന് നീക്കുന്നതും പരിഗണനയിലാണ്. ഇക്കാര്യം സിപിഎം സംസ്ഥാന സെക്രട്ടേറിയറ്റിൽ ചർച്ചയായി.
മറ്റു സംസ്ഥാനങ്ങളുടെ ചുവടുപിടിച്ച് കേരളവും നീങ്ങുന്നുവെന്നാണ് സൂചന. തുടർച്ചയായി ഗവർണർ നടത്തിവരുന്ന ഇടപെടലുകൾ അവസാനിപ്പിക്കുന്നതിന് ഒരു പരിധിവരെ ഇത് സഹായകമാകുമെന്നാണ് ചർച്ചയിൽ ഉയർന്നത്. അന്തിമതീരുമാനം സംസ്ഥാന സമിതിയിൽ ഉണ്ടാകും. ശനി, ഞായർ ദിവസങ്ങളിലാണ് സംസ്ഥാന സമിതിയോഗം.
English Summary: Pinarayi Vijayan statement about Pension age