സംസ്ഥാനത്ത് ഇടത്തരം മഴയ്ക്ക് സാധ്യത; ആൻഡമാനിൽ ചക്രവാതചുഴി

തിരുവനന്തപുരം∙ കിഴക്കൻ കാറ്റിന്റെ സ്വാധീന ഫലമായി സംസ്ഥാനത്ത് അടുത്ത 4-5 ദിവസം ഒറ്റപ്പെട്ട ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഡിസംബർ 4 ഓടെ തെക്കൻ ആൻഡമാൻ കടലിനു മുകളിൽ ചക്രവാതചുഴി രൂപപ്പെടാനും ഡിസംബർ 5 ഓടെ തെക്ക് കിഴക്കൻ ബംഗാൾ ഉൾക്കടലിൽ ന്യൂനമർദമായി ശക്തി പ്രാപിക്കാനും സാധ്യതയുണ്ട്. 

തുടർന്നുള്ള 48 മണിക്കൂറിൽ പടിഞ്ഞാറ്, വടക്ക്–പടിഞ്ഞാറ് ദിശയിൽ സഞ്ചരിച്ച് തീവ്ര ന്യൂനമർദമായി ശക്തി പ്രാപിച്ച്, ഡിസംബർ 8 ഓടെ തമിഴ്നാട്–പുതുച്ചേരി തീരത്തിനു സമീപം എത്തിച്ചേരാനാണ് സാധ്യതയെന്നും കേന്ദ്ര കാലാവസ്ഥാ വകുപ്പ് അറിയിച്ചു.

English Summary: Moderate rainfall likely in Kerala